بلاول زرداری سیاسی وارثت کے صدقے پیپلزپارٹی کے چیئرمین بنے ہیں جو کہ ان کا حق بھی نہیں تھا ، ڈاکٹر صغیرا حمد
جناب الطاف حسین سندھ دھرتی کے سچے سپوت ہیں اور ان کی جدوجہد ہمیشہ سندھ دھرتی اور ملک کے مفادات تک محدود رہی ہے، ڈاکٹر صغیر احمد
دھمکی آمیز بیان کو جناب الطاف حسین کے کروڑوں چاہنے والے عوام کسی صور ت برداشت نہیں کرسکتے ، ڈاکٹر صغیر احمد
بلاول زرداری کا دھمکی آمیز بیان دراصل سیاسی بالغ نظری نہیں بلکہ بیوقوفی ہے ، ڈاکٹر صغیر احمد
کراچی ۔۔۔2، نومبر2014ء
متحدہ قومی موومنٹ کی رابطہ کمیٹی کے رکن ڈاکٹر صغیر احمد نے کہا ہے کہ بلاول زرداری کو قائد تحریک جناب الطا ف حسین کے متعلق دھمکی آمیز بیان بیان دینے سے قبل ضمیر کو ٹٹولنا لینا چاہئے تھا ، بلاول زرداری سیاسی وارثت کے صدقے پیپلزپارٹی کے چیئرمین بنے ہیں جو کہ ان کا حق بھی نہیں تھا ۔ ایک بیان میں انہوں نے کہاکہ بلاول زرداری کا دھمکی آمیز بیان دراصل سیاسی بالغ نظری نہیں بلکہ بیوقوفی ہے اور انہیں اس بات کا ذرا برابر بھی اندازہ نہیں ہے کہ ان کے اس بیان سے صوبہ سندھ کے مستقل باشندوں کے درمیان دوریاں اور نفرتیں پیدا ہوسکتیں ہیں ۔ انہوں نے کہاکہ اگر بلاول زرادری سندھ دھرتی کے سچے سپوت ہوتے اور شاہ عب لطیف بھٹائی ؒ کے پیغام پرذرا برابر بھی عمل پیرا ہوتے تو وہ جناب الطاف حسین کے متعلق اس قسم کے دھمکی آمیز بیان دینے سے قبل سوچ و بچار ضرور کرتے ۔انہوں نے کہا کہ جناب الطاف حسین سندھ دھرتی کے سچے سپوت ہیں اور ان کی جدوجہد ہمیشہ سندھ دھرتی اور ملک کے مفادات تک محدود رہی ہے جبکہ بلاول زرداری کا دھمکی آمیز بیان اس بات کا ثبوت ہے کہ پیپلزپارٹی اب زوال پذیر ہے اور ملک بھر کے علاوہ اب سندھ سے بھی اس کی سیاسی اہمیت ختم ہوتی جارہی ہے ۔ ڈاکٹر صغیر احمد نے بلاول زرداری کو مشورہ دیا کہ جناب الطاف حسین ملک بھر ہی نہیں بلکہ دنیا بھر میں مقیم کروڑوں پاکستانی عوام کے ہر دلعزیز قائد ہیں اور ان کے خلاف دھمکی آمیز بیانات کو ان کے کروڑوں چاہنے والے کسی صورت برداشت نہیں کرسکتے ہیں ۔