اورنگی ٹاؤن کے علاقے چشتی نگر میں مسلح دہشت گردوں کی فائرنگ سے ایم کیوایم کے کارکن محمد شاہد اور ایک ہمدردسلیم شہبازکے بہیمانہ قتل پر قائدتحریک الطاف حسین کا اظہار مذمت
اورنگی ٹاؤن میں ایم کیوایم کے کارکنوں کے قتل اوردہشت گردی کے واقعات حکومت سندھ پرایک سوالیہ نشان ہیں
تسلسل کے ساتھ ہونے والے واقعات کے باوجود اب تک کسی ایک شہیدکے قاتلوں کاگرفتارنہ ہوناایک بہت بڑاسوال ہے
حکومت سندھ قتل اور دہشت گردی کے ان واقعات پر مسلسل بے حسی کامظاہرہ کررہی ہے۔الطاف حسین
ایم کیوایم کاایک ایک کارکن آپکے غم میں برابرکے شریک ہے۔ شاہدشہیداورشہبازشہیدکے لواحقین سے الطاف حسین کا اظہارتعزیت
لندن۔۔۔ 28 نومبر2014ء
متحدہ قومی موومنٹ کے قائدجناب الطاف حسین نے اورنگی ٹاؤن کے علاقے چشتی نگر میں مسلح دہشت گردوں کی فائرنگ سے ایم کیوایم اورنگی ٹاؤن سیکٹر یونٹ 118 - A کے کارکن محمد شاہد اور ایک ہمدردسلیم شہبازکے بہیمانہ قتل کی شدیدمذمت کی ہے ۔ اپنے ایک بیان میں انہوں نے کہا کہ اورنگی ٹاؤن میں ایم کیوایم کے کارکنوں کے قتل اوردہشت گردی کے واقعات حکومت سندھ پرایک سوالیہ نشان ہیں۔انہوں نے کہاکہ قتل اوردہشت گردی کے واقعات کے تسلسل کے ساتھ ہونے والے واقعات کے باوجود اب تک کسی ایک شہید کے قاتلوں کاگرفتارنہ ہوناایک بہت بڑاسوال ہے۔ حکومت سندھ قتل اور دہشت گردی کے ان واقعات پر مسلسل بے حسی کامظاہرہ کررہی ہے۔ جناب الطاف حسین نے مطالبہ کیا کہ ایم کیوایم کے کارکن محمد شاہد اور ایک ہمدردسلیم شہباز کے قاتلوں کوگرفتارکیاجائے ۔انہوں نے محمد شاہد شہید اور شہبازشہید کے لواحقین سے دلی تعزیت کا اظہار کرتے ہوئے کہاکہ مجھ سمیت ایم کیوایم کاایک ایک کارکن آپ کے غم میں برابر کے شریک ہے۔ انہوں نے دعاکی کہ اللہ تعالیٰ شاہد شہید اور شہباز شہید کی مغفرت فرمائے، انہیں جنت الفردوس میں جگہ دے اورلواحقین کوصبرجمیل عطاکرے۔