سندھ کے شہری اور دیہی دو حصے ہیں لیکن سندھ پبلک سروس کمیشن میں صرف سندھ دیہی کی نمائندگی ہے ، بابر خان غوری
سندھ پبلک سروس کمیشن کے عہدیداران میں سندھ کے شہری علاقوں کی کوئی نمائندگی موجود نہیں ہے
وزیر اعلیٰ سند ھ کی جانب سے سندھ پبلک سروس کمیشن کے محکمے کو آزاد قرار دینا افسوسناک ہے
سینیٹ میں ایم کیو ایم کے پارلیمانی لیڈرسینیٹر بابر خان غوری کا وزیر اعلیٰ سندھ کے بیان پر ردعمل
کراچی ۔۔۔28نومبر2014ء
سینیٹ میں متحدہ قومی موومنٹ کے پارلیمانی لیڈرسینیٹر بابر خان غوری نے وزیر اعلیٰ سند ھ کی جانب سے سندھ پبلک سروس کمیشن کے محکمے کو کو آزاد قرار دینا افسوسناک ہے، سندھ پبلک سروس کمیشن کے عہدیداران میں سندھ کے شہری علاقوں کی کوئی نمائندگی موجود نہیں ہے ، اس میں پیپلز پارٹی کے من پسند افراد کو تعینات کیا گیا ہے۔ ان خیالات کا اظہار انہوں نے خورشید بیگم سیکریٹریٹ عزیزآباد میں میڈیا سے گفتگو کرتے ہوئے کیا ۔ بابر خان غوری نے کہا کہ سندھ پبلک سروس کمیشن میں منتخب ہونے والے امیدواروں کی فہرستیں بلاول ہاؤ س یا وزیر اعلیٰ ہاؤس سے منظور کی جاتی ہیں ۔ انہوں نے کہا کہ سندھ کے شہری اور دیہی دو حصے ہیں لیکن سندھ پبلک سروس کمیشن میں صرف سندھ دیہی کی نمائندگی ہے اس صورتحال کو بہتر کیا جائے اور میرٹ کی بنیاد پر فیصلے اور تعیناتی ہونی چاہئے ۔ انہوں نے کہا کہ 16اور17گریڈ کی بھرتیوں کا اختیار وزیر اعلیٰ نے اپنے ہاتھ میں لیکر سندھ کے دیہی اور شہری علاقوں کے عوا م سے زیادتی کی ہے اور ہم اس غیر آئینی اقدام کے خلاف جلد عدالتوں سے رجوع کریں گے ۔