اسلام آباد میں نمل یونیورسٹی کے پروفیسر خالد خان کے بہیمانہ قتل پر رابطہ کمیٹی کا اظہار مذمت

کراچی 17نومبر2014

ایم کیوایم کی رابطہ کمیٹی نے نمل یونیورسٹی کے پروفیسر خالد خا ن کے بہیما نہ قتل کی سخت ترین الفاظ میں مذمت کی ہے ۔ رابطہ کمیٹی نے پروفیسر خالد خان قتل پرافسوس اور مرحوم کی مغفرت کیلئے دعا کی ہے ۔ ایک بیان میں ابطہ کمیٹی نے کہا کہ ملک میں پروفیسر، ڈاکٹرز، انجینئرز اور تعلیمی یافتہ ہنر مند افراد کا قتل لمحہ فکریہ ہے ۔ انہوں نے کہا کہ اسلام آباد جیسے شہر میں درس و تدریس سے وابستہ پروفیسر خالد خان کا قتل ہر ذی شعور افراد کو یہ سوچنے پر مجبور کررہی ہے اسلام آباد جیسے شہر میں حکومت کی رٹ نام کی کوئی چیز نہیں اور دہشت گرد قانون کی گرفت سے آزاد نظر آتے ہیں ۔ رابطہ کمیٹی نے صدر مملکت ممنون حسین ، وزیراعظم میاں محمد نوازشریف اور وفاقی وزیر داخلہ سے مطالبہ کیا کہ نمل یونیورسٹی کے پروفیسر خالد خان کے قاتلوں کو فی الفور گرفتار کیا جائے اور انہیں قانون کے مطابق سزا دی جائے ۔ علاوہ ازیں ایم کیوا یم کی رابطہ کمیٹی دعا کی کہ اللہ تعالیٰ پروفیسر خالد خان کو جنت الفردوس میں اعلیٰ مقام عطا کرے اور سوگواران کو یہ صدمہ برداشت کرنے کی توقیق عطا فرمائے ۔ (آمین)