حق پرست رکن قومی اسمبلی ریحان ہاشمی کا وفد کے ہمراہ عباسی شہید اسپتال کا دورہ
گزشتہ روز خضدار ٹریفک حادثے میں جاں بحق و زخمی ہونیوالے کراچی کے رہائشی افراد اور انکے اہل خانہ سے ملاقات کی
علاج و معالجے کی بہترین سہولیات کی فراہمی کیلئے ڈاکٹرز کو ہدایت دی اور اس سلسلے میں درپیش مسائل کو فوری حل کرنے کےاقدامات کئے
جاں بحق اور زخمی ہونے والے افراد کے لواحقین کو جناب الطاف حسین کا ہمدردی و تعزیت کا پیغام پہنچایا
کراچی۔۔۔16نومبر2014ء
متحدہ قومی موومنٹ کے منتخب رکن قومی اسمبلی ریحان ہاشمی نے گزشتہ روز خضدار کے علاقے پیر عمر میں مسافر بس حادثے کے نتیجے میں جاں بحق اور زخمی ہونیوالے کراچی کے رہائشی خواتین و بچوں سمیت 11افراد سے عباسی شہید اسپتا ل میں ملاقات کرکے انہیں جناب الطا ف حسین کی جانب سے تعزیت و ہمدردی کا پیغام پہنچا یا ۔ حق پرست رکن قومی اسمبلی ریحان ہاشمی نے حادثہ کے نتیجے میں جاں بحق ہونے والی دس ماہ کی معصوم بچی کے والدین سے دلی تعزیت کا اظہار کیا ۔ اس موقع پر ریحان ہاشمی نے متعلقہ ڈاکٹرز اور پیرا میڈیکل اسٹاف سے ملاقات کرکے انہیں زخمیوں کو علاج و معالجے کی بہترین سہولیات فراہم کرنے کی بھی ہدایت کی اور زخمیوں کے اہل خانہ کے ہمراہ علاج و معالجے میں درپیش مسائل کے حل کیلئے فوری اقدامات کئے۔ اس موقع پر ایم کیوایم کے متعلقہ یونٹ اور سیکٹر کے ذمہ داران اورکارکنان کی بڑی تعداد بھی انکے ہمراہ تھی ۔