سندھ بار کونسل کے نومنتخب اراکین کی خورشید بیگم سیکریٹریٹ میں ایم کیو ایم رابطہ کمیٹی اراکین سے ملاقات

کراچی ۔۔۔13نومبر2014ء

سندھ بار کونسل کے نومنتخب اراکین نعیم قریشی ، امان اللہ ایڈوکیٹ ، محمد عرفان صدیقی ایڈوکیٹ اور فرخندہ جبیں نے بار کونسل کے الیکشن میں حالیہ کامیابی کے بعد خورشید بیگم سیکریٹریٹ عزیز آباد کا دورہ کیا ۔اس موقع پر ایم کیو ایم کی لیگل ایڈ کمیٹی اور متحدہ لائرز فورم کے اراکین بھی انکے ہمراہ تھے ۔ اس موقع پر جناب الطاف حسین کی جانب سے ایم کیو ایم رابطہ کمیٹی کے اراکین عارف خان ایڈوکیٹ ، گلفراز خان خٹک ایڈوکیٹ اور خالد سلطان نے نو منتخب اراکین کو ایم کیو ایم کے مرکز نائن زیرو آمد پر استقبال کیا اور کامیابی پر انہیں دلی مبارک باد پیش کی ۔ وفد سے گفتگو کرتے ہوئے اراکین رابطہ کمیٹی نے اس امید کا اظہار کیا کہ سندھ بار کونسل کے نومنتخب اراکین اپنے فرائض ایمانداری اور دیانتد سے انجام دیں اور ملک میں آئین کی پاسداری اور جمہوریت کے تسلسل کیلئے کام کریں گے ۔