پشتون آرگنائزنگ کمیٹی کے تین رکنی وفدکی خیرپورمیں بس حادثے میں جاں بحق ہونے والے کراچی کے رہائشی محمدنواب خان سے گھرجاکرملاقات

وفدنے مرحومین کی مغفرت،ان کے درجات کی بلندی اورسوگواران کے صبرجمیل کے لئے دعائیں کیں

کراچی:۔۔۔12، نومبر2014ء

متحدہ قومی موومنٹ پشتون آرگنائزنگ کمیٹی کے انچارج شیروعلی آفریدی کے ہمراہ پی اوسی کے تین رکنی وفدنے خیرپورمیں مسافربس حادثے میں جاں بحق ہونے والے کراچی کے علاقے پرانی سبزی منڈی میکاسااپارٹمنٹ کے رہائشی محمدنواب خان کے گھرجاکران سے ملاقات کی اورحادثے میں ان کے بیٹے ، بہواورپوتے پوتی کی ہلاکت پر دلی تعزیتی وہمدردی کااظہارکیااورقائدتحریک جناب الطا ف حسین کاتعزیتی پیغام پہنچایااورکہاکہ دکھ اورافسوس کی اس گھڑی میں ایم کیوایم ان کے ساتھ ہے۔اس موقع پرانہوں نے مرحومین کی مغفرت،ان کے درجات کی بلندی فاتحہ خوانی اور سوگواران کے صبرجمیل کے لئے بھی دعائیں کیں۔ایم کیوایم کے وفدمیں پشتون آرگنائزنگ کمیٹی کے جوائنٹ انچارج رُخ اللہ اورممبراسداللہ کے علاوہ دیگربھی شامل تھے۔