ڈاکٹر خالد مقبول صدیقی اور واسع جلیل نے امریکہ میں ہوائی جہاز کے المناک حادثہ میں جاں بحق ہونے والے نیورو سرجن توصیف الرحمن کی رہائشگاہ جاکر سوگوار والدین سے دلی تعزیت وہمدردی کااظہار

ڈاکٹروں سمیت نیورو سرجن توصیف الرحمن کے جاں بحق ہونے سے ملک شعبہ طب کی اہم شخصیات سے محروم ہوگیا ہے، ڈاکٹر خالد مقبول صدیقی کی سوگوار والدین اور لواحقین سے گفتگو

؂کراچی ۔۔۔12، نومبر2014ء

متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالد مقبول صدیقی اور رابطہ کمیٹی کے رکن واسع جلیل نے گزشتہ دنوں امریکہ میں جہاز کریش ہونے کے المناک حادثہ میں دو میاں بیوی ڈاکٹروں سمیت نیورو سرجن توصیف الرحمن کے جاں بحق ہونے پر ان کی رہائشگاہ جاکر سوگوار لواحقین سے دلی تعزیت وہمدردی کااظہار کیا ہے ۔ ڈاکٹر خالد مقبول صدیقی نے توصیف الرحمن کے والد سینئر نیورو سرجن عتیق الرحمن اور والدہ محترمہ شمیمہ عتیق سے ملاقات کی اور جہاز کریش ہونے کے حادثہ میں ان کے صاحبزادہ کے جاں بحق ہونے پر جناب الطاف حسین کی جانب سے بھی گہرے دکھ او رافسوس کااظہار کیا ۔انہوں نے سوگوار والدین سے گفتگو کرتے ہوئے کہاکہ جہاز کریش ہونے کے حادثہ میں دو میاں بیوی ڈاکٹروں سمیت نیورو سرجن توصیف الرحمن کے جاں بحق ہونے سے ملک شعبہ طب کی اہم شخصیات سے محروم ہوگیا ہے ۔ انہوں نے سوگواروالدین اور لواحقین کو صبر کی تلقین کی اور دعا کی کہ اللہ تعالیٰ جاں بحق ہونے والے توصیف الرحمن سمیت دو ڈاکٹروں کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)