سابق گورنر پنجاب مصطفے کھر کے بیٹے حسین کھر کے اغواء پر جناب الطاف حسین کااظہار مذمت

لندن۔۔۔12، نومبر2014ء 

متحدہ قومی موومنٹ کے قائد جناب الطاف حسین نے مسلح افراد کی جانب سے لاہور سے سابق گورنر پنجاب مصطفےٰ کھر کے بیٹے حسین کھر کے اغواء کی سخت ترین الفاظ میں مذمت کی ہے اور مطالبہ کیا ہے کہ حسین کھر کی بحفاظت بازیابی یقینی بنائی جائے ۔ ایک بیان میں انہوں نے حسین کھر کے اغواء پر گہری تشویش کااظہارکرتے ہوئے غلام مصطفے کھر اور ان کے اہل خانہ سے دلی ہمدردی کااظہار کیا اور حسین کھر کی جلد اور بحفاظت بازیابی کیلئے دعا کی ۔ جناب الطاف حسین نے وفاقی اور صوبائی حکومت پنجاب سے مطالبہ کیا کہ لاہور سے حسین کھر کے اغواء کا سنجیدگی سے نوٹس لیاجائے اور اس میں ملوث عناصر تک پہنچ کر حسین کھر کی جلد از جلد بحفاظت بازیابی یقینی بنائی جائے ۔