خیرپورمیں ٹریفک کے ہولناک حادثے میں درجنوں مسافروں کے جاں بحق اور زخمی ہونے پر ایم کیوایم کے قائدالطاف حسین کا دلی صدمے اورافسوس کااظہار

لندن۔۔۔11 نومبر 2014ء

متحدہ قومی موومنٹ کے قائدجناب الطاف حسین نے خیرپورکے علاقے میں سوات سے کراچی آنے والی مسافربس اورٹرالرکے ہولناک تصادم کے نتیجے میں درجنوں افرادکے جاں بحق اورزخمی ہونے پر دلی صدمے اورافسوس کااظہارکیاہے ۔ اپنے ایک بیان میں جناب الطاف حسین نے کہاکہ یہ ٹریفک حادثہ کسی سانحہ سے کم نہیں ہے کہ جس کے نتیجے میں درجنوں مسافرجاں بحق ہوگئے جن میں خواتین اوربچے بھی شامل ہیں۔اس کے علاوہ متعددافرادزخمی ہوئے۔جناب الطاف حسین نے اس المناک حادثے میں جاں بحق ہونے والے افرادکے لواحقین سے دلی تعزیت کااظہار کیااوردعاکی کہ اللہ تعالیٰ تمام جاں بحق ہونے والوں کواپنی جواررحمت میں جگہ دے ، ان کے سوگوارلواحقین کوصبرجمیل عطاکرے ۔ انہوں نے حادثے کے زخمیوں کی بھی جلدصحتیابی کی دعاکی۔انہوں نے حکومت سے مطالبہ کیاکہ اس ہولناک حادثے کی تحقیقات کی جائے اورحادثے کے زخمیوں کوہرممکن طبی امدادفراہم کی جائے۔