این آ ئی سی ایچ کراچی میں بجلی تعطل کے سبب چار معصوم بچوں کے انتقال پر جناب الطاف حسین کا اظہار افسوس

معصوم بچوں کے والدین اور اہل خانہ سے دلی تعزیت کا اظہار 

لندن ۔۔۔۔8نومبر2014ء

متحد ہ قومی موومنٹ کے قائد الطاف حسین نے نیشنل انسٹیٹیوٹ آف چائلڈ ہیلتھ کراچی میں بجلی کی بندش کے سبب 4معصوم بچوں کے انتقال پر گہرے دکھ اور افسوس کا اظہار کیاہے ۔جناب الطاف حسین نے کہاکہ بجلی کا تعطل ملک کا سنگین مسئلہ ہے جو روز مرہ معاملات کو بری طرح متاثر کر رہا ہے لیکن تعطل کے سبب چار معصوم جانوں کا ضیائع ارباب اختیار اور متعلقہ ادارے کے ذمہ داران کی کارکردگی پر سوالیہ نشان ہے ۔ جناب الطاف حسین نے انتقال کرنے والے چاروں بچوں کے ماں باپ اور اہل و عیال سے دلی ہمدردی کا اظہار کرتے ہوئے دعا کی کہ اللہ تعالیٰ چاروں معصوموں کو اپنی جوار رحمت میں جگہ عطا فرمائے اور والدین کو یہ صدمہ برداشت کرنے کا حوصلہ دے ۔