پاک میتھو ڈسٹ چرچ کے چیئرمین اور انٹر ریلیجیس پیس کونسل پنجاب کے جنرل سیکریٹری بشپ آئی پال ایم کیوایم اقلیتی امور کمیٹی کے انچارج سید منور الاسلام سے ملاقات کی

کراچی ۔۔۔7، نومبر2014ء 

پاک میتھو ڈسٹ چرچ کے چیئرمین اور Inter Religious Peace Council Punjabکے جنرل سیکریٹری بشپ آئی پال نے ایم کیوایم کے مرکز نائن زیرو کا دورہ کیا اور خورشید بیگم سیکریٹریٹ عزیز آباد میں ایم کیوایم اقلیتی امور کمیٹی کے انچارج سید منور الاسلام سے ملاقات کی ۔اس موقع پر پادری جیکب مصری بھی ان کے ہمراہ تھے ۔ ملاقات میں بشپ آئی پال نے قائد تحریک جناب الطاف حسین کی جانب سے اقلیتوں کے حقوق اور تحفظ کیلئے کی جانے والی کاوشوں کو سراہا اور اس کا برملا اظہار بھی کیا ۔ انہوں نے کہاکہ پاکستان میں جناب الطاف حسین اور ایم کیوایم مذہبی اقلیتوں کیلئے مضبوط سہارا ہیں۔ایم کیوایم اقلیتی امو رکمیٹی کے انچارج سید منور الاسلام نے پشپ آئی پال کے خیالات کو سراہا اور عالمی جریدے نیوز ویک میں ’’دی رائٹ مین ‘‘ کے عنوان سے شائع ہونے والے جناب الطاف حسین کے انٹرویو کاپی بھی پیش کی ۔ اس موقع پر ایم کیوایم اقلیتی امور کمیٹی کے جوائنٹ انچارج پطرف یوسف ، فنانس سیکریٹری گلفام جاوید اور بشپ جاوید انجم بھی موجود تھے ۔