یوم عاشور کے موقع پر ایم کیو ایم کے فلاحی ادارے خدمت خلق فاؤنڈیشن کے زیر اہتمام رنگ محل چوک ، لاہور میں عزاداران کو طبی سہولیات کی فراہمی کیلئے میڈیکل کیمپ کا انعقاد

لاہور۔۔۔۔5 نومبر 2014

قائد تحریک جناب الطاف حسین کی جانب سے ایم کیو ایم کے فلاحی ادارے خدمت خلق فاؤنڈیشن کے زیراہتمام رنگ محل چوک ، لاہور میں عزاداران کو طبی سہولیات کی فراہمی کا کیلئے مفت میڈیکل کیمپ کا انعقاد کیا گیا جس میں سینکڑوں عزاداران حسینؓ کو مفت فوری طبی امداد فراہم کی گئی جبکہ کسی بھی قسم کی ایمرجنسی کیلئے خدمت خلق فاؤنڈیشن کی ایمبولینسز اور خدمت خلق فاؤنڈیشن کے رضا کار بھی کیمپ پر موجود تھے۔ اس موقع پرایم کیو ایم سینٹرل پنجاب کے صدر عامر بلوچ ، سیکریٹری جنرل رانا اشرف ایڈووکیٹ اور لاہور ڈسٹرکٹ کے صدر ارتضیٰ حسین کاظمی نے دیگر عہدیداران کے ہمراہ کیمپ کا دورہ کیا اور خدمت خلق فاؤنڈیشن کے پیرا میڈیکل سٹاف اور رضاکاروں کی جانب سے عزاداران کو فراہم کی جانے والی طبی امداد کا جائزہ لیا۔