کوٹ رادھاکشن میں مسیحی میاں بیوی کو جھوٹے الزام میں زندہ جلانے کا واقعہ سفاکیت اوروحشت وبربریت کی بدترین مثال ہے۔ الطا ف حسین

لندن۔۔۔ 5 نومبر2014ء

متحدہ قومی موومنٹ کے قائدجناب الطاف حسین نے پنجاب کے شہرقصورکے علاقے کوٹ رادھاکشن میں مسیحی میاں بیوی کوایک جھوٹے الزام میں تشدد کرکے زندہ جلانے کے واقعہ کی شدیدالفاظ میں مذمت کی ہے ۔ اپنے ایک بیان میں انہوں نے کہاکہ ملک خصوصاًپنجاب میں اس قسم کے واقعات میں مسلسل اضافہ ہورہاہے اورذاتی جھگڑوںیاانتقامی کارروائیوں کومذہبی رنگ دیکر آئے دن کسی نہ کسی مسیحی ، ہندو یاسکھ کوظلم اوربربریت کانشانہ بنایاجارہا ہے ۔ انہوں نے کہاکہ اس قسم کے واقعات سے پاکستان میں آبادمذہبی اقلیتوں میں عدم تحفظ کااحساس روزبروزبڑھتاجارہاہے۔ گزشتہ دنوں بھی پنجاب کے ایک شہرمیں مسیحی بستی پر حملہ کرکے کئی گھروں کومعصوم انسانوں سمیت آگ لگادی گئی تھی اوراب قصورکے علاقے کوٹ رادھاکشن میں ذاتی جھگڑے کومذہبی رنگ دیکر معصوم وبے گناہ میاں بیوی کوتشددکرکے زندہ جلادیاگیااوران کاجرم محض یہ تھاکہ وہ مسیحی تھے۔جناب الطاف حسین نے کہاکہ مذہبی اقلیتوں کے ساتھ تسلسل کے ساتھ ہونے والے اس طرح ظلم وبربریت کے واقعات ملک میں بڑھتی ہوئی مذہبی انتہاپسندی اوردہشت گرد ی کا شاخسانہ ہیں جس سے پوری دنیامیں پاکستان کاامیج مزیدخراب ہورہاہے ۔ جناب الطاف حسین نے وفاقی حکومت خصوصاًحکومت پنجاب سے مطالبہ کیاکہ قصورمیں معصوم مسیحی جوڑے کوزندہ جلانے کے انتہائی دلخراش اورمذموم واقعہ میں ملوث تمام سفاک عناصرکوفی الفورگرفتارکیاجائے اورانہیں عبرتناک سزادی جائے چاہے وہ کتنے ہی بااثرکیوں نہ ہوں۔انہوں نے مزیدمطالبہ کیا کہ اس قسم کے بڑھتے ہوئے واقعات کی روک تھام کی جائے اورمسیحی برادری سمیت تمام پاکستان میں آبادتمام غیرمسلموں کوجان ومال کاتحفظ فراہم کیاجائے ۔ جناب الطاف حسین نے بربریت کانشانہ بننے والے مسیحی خاندان سے دلی ہمدردی اورتعزیت کااظہارکیا