یوم عاشورکے موقع پر جلوسوں کے تحفظ کیلئے بھرپورکرداراداکرنے، جلوسوں میں شرکت اور عزاداروں کیلئے طبی امدادی کیمپس اور سبیلیں لگانے پر رابطہ کمیٹی، ارکان اسمبلی، میڈیکل ایڈکمیٹی اورملک کے تمام یونٹوں، سیکٹروں اورزونوں کوالطاف حسین کاخراج تحسین

لندن۔۔۔ 4 نومبر2014ء

متحدہ قومی موومنٹ کے قائدجناب الطاف حسین نے یوم عاشورکے موقع پرماتمی جلوسوں کے تحفظ کیلئے بھرپورکرداراداکرنے، جلوسوں میں شرکت کرنے اور عزاداروں کیلئے طبی امدادی کیمپس اورپانی اورشربت کی سبیلیں لگانے اورعزاداروں کوطبی امدادفراہم کرنے اوران کے ساتھ بھرپورتعاون کرنے پرایم کیوایم کی رابطہ کمیٹی، ارکان قومی وصوبائی اسمبلی، میڈیکل ایڈکمیٹی کے ڈاکٹروں، پیرامیڈیکل اسٹاف اورکراچی سمیت ملک بھرکے تمام یونٹوں، سیکٹروں اورزونوں کو زبردست خراج تحسین پیش کیا ہے ۔ انہوں نے کہاکہ ایم کیوایم کے رہنماؤں، ارکان اسمبلی ، ذمہ داروں اورکارکنوں نے تمام خطرات کے باوجودجس طرح یوم عاشورپر اپنے فرائض انجام دیئے ہیں اس پر انہیں جتناخراج تحسین پیش کیاجائے کم ہے ۔ جناب الطاف حسین نے فرقہ وارانہ ہم آہنگی کے فروغ کیلئے بھرپورکردارادا کرنے اورعلمائے کرام ، زاکرین اوردیگراکابرین کے ساتھ بھرپوررابطے کرنے پر رابطہ کمیٹی ، ارکان اسمبلی خصوصاً علماء کمیٹی کو شاباش پیش کی ۔