ایم کیوایم کے فلاحی ادارے خدمت خلق فاؤنڈیشن کی جانب سے9محرم الحرام کو نمائش چورنگی پرمرکزی کیمپ قائم کردیاگیا
خدمت خلق فاؤنڈیشن کے مرکزی کیمپ پر عزازاداران کوطبّی سہولیات فراہمی اورٹھنڈے پانی اورشربت کی سبیلیں بھی لگائی گئی ہیں
ایم کیوایم کی رابطہ کمیٹی کے رکن رشیدگوڈیل کے ہمراہ ایم کیوایم کے وفدنے مرکزی کیمپ کادورہ کیا
وفدنے عزازاداران میں لنگرتقسیم کیا اورکوطبّی سہولیات کی فراہمی کاجائزہ لیا
کراچی ۔۔۔3؍اکتوبر2014ء
متحدہ قومی موومنٹ کے قائدتحریک جناب الطاف حسین کی ہدایت پرہرسال کی طرح امسال بھی 9محرم الحرام کے دن ایم کیوایم کے فلاحی ادارے خدمت خلق فاؤنڈیشن کی جانب سے نمائش چورنگی پرمرکزی کیمپ قائم کردیاگیاہے۔مرکزی کیمپ پرعزاراداران کے لئے طبّی سہولیات فراہمی کے ساتھ ساتھ ٹھنڈے پانی کی سبیل لگائی گئی ہے جہاں شربت اورلنگرکاانتظام ہے ۔علاوہ ازیں ایم کیوایم کی رابطہ کمیٹی کے رکن وقومی اسمبلی میں ایم کیوایم پارلیمانی لیڈررشیدگوڈیل ،اراکین اسمبلی علی رضاعابدی،ارشدبوہرانے مرکزی کیمپ کادورہ کیااورعزازاداران میں لنگراورشربت تقسیم کیاانہوں نے طبّی امدادی کیمپ کابھی دورہ کیااورمیڈیکل ایڈکمیٹی کے ڈاکٹرزاورپیرامیڈیکل اسٹاف سے ملاقات کرکے ان کی جانب سے عزارداران کوطبّی سہولیات کی فراہمی کابغورجائزہ لیا۔اس موقع پرعلاقائی سیکٹرویونٹ کمیٹیوں کے ذمہ داران بھی ان کے ہمراہ موجودتھے۔