ابو ظہبی میں آسٹریلیاکے خلاف شاندار کرکٹ سیریز جتنے پر پاکستانی قوم کو الطاف حسین کی دلی مبارکباد
کئی برس بعد کرکٹ سیریز میں فتح حاصل کرنا پاکستانی کرکٹ ٹیم کی انتھک محنت کا ثبوت ہے جس پر میں پاکستانی کرکٹ ٹیم کے کپتان سمیت ایک ایک کھلاڑی کو خراج تحسین اور شاباش دیتا ہوں ، الطاف حسین
امید ہے پاکستانی کرکٹ ٹیم اپنی صلاحیتوں کو منوا کر پاکستان کا نام دنیا میں روشن کرتی رہے گی ، الطاف حسین
لندن۔۔۔3، نومبر2014ء
متحدہ قومی موومنٹ کے قائد جناب الطاف حسین نے ابو ظبی میں پاکستانی کرکٹ ٹیم کی جانب سے آسٹریلیا کے خلاف شاندار سیریز جتنے پر قوم کو دلی مبارکباد پیش کی ہے ۔ ایک تہنیتی بیان میں انہوں نے کہا کہ آسٹریلیا کے خلاف کئی برس بعد کرکٹ سیریز میں فتح حاصل کرنا پاکستانی کرکٹ ٹیم کی انتھک محنت اور لگن کا ثبوت ہے جس پر میں پاکستانی کرکٹ ٹیم کے کپتان سمیت ایک ایک کھلاڑی کو زبردست خراج تحسین اور شاباش دیتا ہوں اور امید کرتا ہوں کہ پاکستانی کرکٹ ٹیم اپنی کامیابیوں کا سلسلہ اسی طرح جاری رکھے گی اور اپنی صلاحیتوں کومنوا کر پاکستان کا نام دنیا میں روشن کرتی رہے گی ۔