واہگہ بارڈر دھماکے کے متعدد زخمی زندگی اور موت کی کشمکش میں مختلف اسپتالوں میں زیر علاج ہیں، الطاف حسین

لندن۔۔۔2اکتوبر2014ء

متحد ہ قومی موومنٹ کے قائد الطاف حسین نے واہگہ بارڈر کے علاقے میں خودکش حملے پر افسوس کا اظہار کرتے ہوئے بڑی تعداد میں شہید و زخمی ہونیوالے افراد کیلئے دعا کی ہے ۔ ایک بیان میں جناب الطاف حسین نے کہا کہ دھماکے کے نتیجے میں متعدد افراد زخمی بھی ہوئے ہیں جو زندگی اور موت کی کشمکش میں مختلف اسپتالوں میں زیر علاج ہیں اور ان کے لئے خون کے عطیات کی اشد ضرورت ہے لہٰذاایم کیو ایم پنجاب کے کارکنان اور حق پرست عوام سے دردمندانہ اپیل کرتا ہوں کہ وہ اپنا قومی و اخلاقی فریضہ سمجھتے ہوئے مختلف اسپتالوں میں زیر علاج زخمیوں کو خون کی کمی پوری کرنے کیلئے بڑی تعداد میں خون کے عطیات دیں تاکہ معصوم ہم وطنوں کی جانیں بچائی جاسکیں۔