رابطہ کمیٹی کے رکن ڈاکٹر صغیر احمد کی محفل شاہ خراساں، امام بارگاہ عزا خانہ زہرہ اور مارٹن کوراٹر میں واقع امام بارگاہ شاہِ نجف میں منعقدہ مجالس میں شرکت اور امام بارگاہوں کے ٹرسٹیز سے ملاقات

کراچی ۔۔۔2، نومبر2014ء 

متحدہ قومی موومنٹ کی رابطہ کمیٹی کے رکن ڈاکٹر صغیر احمد نے آج 8محرم الحرام کو محفل شاہ خراساں ، امام بارگاہ عزا خانہ زہرہ اور مارٹن کوارٹر میں واقع امام بارگاہ شاہِ نجف میں منعقدہ مجالس میں شرکت کی اور امام بارگاہوں کے ٹرسٹیز سے ملاقاتیں کیں ۔ اس موقع پر ایم کیوایم کی علماء کمیٹی کے انچارج جاوید احمد ، اراکین اور ایم کیوایم پی آئی بی سیکٹر کمیٹی کے ارکان بھی ان کے ہمراہ تھے ۔ ڈاکٹر صغیر احمد نے امام بارگاہوں میں علمائے کرام کی مجالس سماعت کیں اور امام بارگاہوں کے ارد گرد کئے گئے انتظامات کا جائزہ لیا ۔ انہوں نے امام بارگاہوں میں ٹرسٹیز سے ہونیوالی ملاقاتوں کے دوران گفتگو کرتے ہوئے کہاکہ قائد تحریک جناب الطاف حسین نے ہر سال کی طرح امسال بھی محرم الحرام کے موقع پر امن و امان ، فرقہ وارانہ ہم آہنگی اور مذہبی رواداری کے قیام کیلئے ایم کیوایم کی رابطہ کمیٹی ، حق پرست اراکین قومی وصوبائی اسمبلی ، سینیٹرز ، ذمہ داران و کارکنان کو فعال کیا ہوا ہے۔ انہوں نے امام بارگاہوں کے ٹرسٹیز کو عزاداران حسینؓ کے جلوسوں کے راستے پر ایم کیوایم کی جانب سے کئے جانے والے کاموں کی تفصیلات سے آگاہ کیا اور مزید تعاون کی یقین بھی کرائی ۔