میرپورخاص میں کار پر فائرنگ کے نتیجے میں متعدد افراد کی ہلاکت پر جناب الطاف حسین کا اظہار مذمت
فائرنگ میں ہلاک ہونے افراد کے سوگورا لواحقین سے اظہار افسوس ، زخمیوں کی جلد و مکمل صحت یابی کیلئے دعا
کراچی۔۔۔ 2 نومبر2014ء
متحدہ قومی موومنٹ کے قائد جناب الطاف حسین نے میرپورخاص میں مسلح دہشت گردوں کی کار پر فائرنگ کے نتیجے میں متعدد افراد ہلاکت پر مذمت کی اور فائرنگ کے نتیجے میں ہلاک متعدد افراد کے ہلاک ہونے پر افسوس کا اظہار اور زخمی کی جلد و مکمل صحتیابی کیلئے دعا کی ہے ۔ جناب الطاف حسین نے کہا کہ مسلح دہشت گرد محرم الحرام کے موقع پر میر پورخاص میں کار پر فائرنگ کرکے فرقہ وارانہ فسادات کی آگ بھڑکانے کی گھناؤنی سازش کررہے ہیں ۔ انہوں نے کہا کہ ایک منظم سازش کے تحت میرپورخاص ، کراچی اور سندھ کے دیگر شہروں میں اچانک فرقہ وارانہ ٹارگٹ کلنگ کا شروع کردیا گیاہے ۔ جناب الطاف حسین نے صدر مملکت ممنون حسین ، وزیراعظم پاکستان میاں نوازشریف، وفاقی وزیر داخلہ چوہدری نثار علی ،گورنر سندھ ڈاکٹر عشرت العباد اور وزیراعلیٰ سندھ سے مطالبہ کیا ہے کہ میرپورخاص میں فائرنگ کا نوٹس لیا جائے اور ٹارگٹ کلنگز کے اس واقعہ میں ملوث دہشت گردوں کوفی الفور گرفتار کرکے قانون کے مطابق سزا دی جائے ۔ جناب الطاف حسین نے دہشت گردی کے واقعہ تین افراد کی ہلاکت پر سوگوار لواحقین سے دلی تعزیت اور افسوس کا اظہار کیا اور زخمیوں کی جلد و مکمل صحتیابی کیلئے دعا بھی کی ۔