پاکستانی قوم پر ہر مشکل گھڑی میں جناب الطاف حسین کے کارکنان خدمت خلق کے لئے پیش پیش رہتے ہیں، سیف یار خان

کراچی ۔۔۔یکم ؍ نومبر 2014ء

متحد ہ قومی موومنٹ کی رابطہ کمیٹی کے رکن سیف یا ر خان نے خدمت خلق فاؤنڈیشن کے زیراہتمام ممکنہ سمندری طوفان کے پیش نظر ریڑھی گوٹھ کے علاقے دبلا پاڑہ میں قائم طبی امدادی کیمپ کا دورہ کرکے وہاں عوام کو دی جانے والی سہولیا ت کا جائزہ لیا اور طبی عملے سے ملاقات کی ۔ اس موقع پر حق پرست رکن صوبائی اسمبلی شیراز وحید، ایم کیوایم کی کراچی مضافاتی آ رگنائزنگ کمیٹی کے انچارج فرخ اعظم ، جوائنٹ انچارج سید احمد رضا و اراکین بھی انکے ہمرا ہ تھے ۔ میڈیکل کیمپ پر موجود مریضوں اور عملے کے ارکان سے گفتگو کرتے ہوئے سیف یار خان نے کہا کہ جناب الطاف حسین مظلوم و محروم عوام کے حقیقی لیڈر ہیں اور قوم پر ہر مشکل گھڑی میں انکے کارکنان خدمت خلق کے لئے پیش پیش رہتے ہیں ۔ انہوں نے کہا کہ ایم کیو ایم ملک میں مظلوم و محروم 98فیصد عوام کے حقوق کی جدو جہد کررہی ہے جس کی پاداش میں اس کے ہزاروں بے گناہ کارکنوں کو شہید اور پابند سلاسل کیا جاچکا ہے لیکن جناب الطاف حسین کے نظریے اور فکر وفلسفے پر عمل پیرا عوام کے حوصلے پست نہیں ہوئے ہیں اور وہ آج بھی ملک سے جاگیر دارانہ ، سرمایہ دارانہ اور اسٹیٹس کو کے خاتمے کی جدوجہد کر رہے ہیں ۔ سیف یار خان نے میڈیکل کیمپ پر خدمات سر انجام دینے والے پیرا میڈیکل اسٹاف ، ڈاکٹرز ، کے کے ایف کے رضاکاران اور کراچی مضا فاتی آ رگنائزنگ کمیٹی کے ذمہ دارن کو جناب الطاف حسین کی جانب سے خراج تحسین پیش کیا اور انکی جانب سے خدمت خلق کے جذبے کو سراہا ۔