ایم کیوایم کے سندھی ذمہ داران وکارکنان کے اجلاس میں جناب الطاف حسین نے شاہ لطیف بھٹائی کے یہ اشعار پڑھے

لندن ۔۔28اکتوبر 2014ء 

متحدہ قومی موومنٹ کے قائد جناب الطاف حسین نے منگل کی شام لال قلعہ گراؤنڈ عزیز آبادمیں ایم کیوایم کے سندھ بھر سے سندھی بولنے والے ذمہ داران وکارکنان کے اجلاس سے خطاب کیا۔ جناب الطاف حسین نے اپنے خطاب میں شاہ لطیف بھٹائی کے مشہورا شعار سندھی میں پڑھے جس کا ترجمہ مندرجہ ذیل ہے 

اگر دنیامیں عزت اور مرتبہ کے ساتھ جینا ہے عزت کے ساتھ جینا ہے 

تو مشکل حالات کا مقابلہ کرنا پڑے گا 

گرمیوں او رسردیوں کو نظر انداز کر کے چلنا پڑے گا

کہ کامیابی و منزل آرام کرنے سے نہیں ملتی 

جناب الطاف حسین نے کہا کہ کئی سوسال پہلے شاہ لطیف نے سندھیوں کی ترجمانی کرتے ہوئے یہ شعر پڑھا تھا 

اے میرے اللہ ،اے میرے مولاسائیں بچھڑے ہوؤں کو ملا دے 

اے پرور دگار یہ صرف تو ہی کر سکتا ہے کہ جو ایک دوسرے سے جد ا ہیں

ان کے اندر کچھ ایسا کر دے ، ان میں ایسا پیار بھر دے کہ وہ آپس میں مل جائیں 

جس پر شرکاء اجلاس نے یک زباں ہوکر کہا کہ’’ جیسے بھی حالات آئیں گے ،قائد تیرے ساتھ رہیں گے ‘‘