محترم بانی وقائد تحریک جناب الطاف حسین سندھ دھرتی کے قابل فخر سپوت اور سندھ کے متفقہ قائد ہیں ، قرارداد

لندن ۔۔ 28اکتوبر2014ء 

متحدہ قومی موومنٹ کے قائد جناب الطاف حسین نے کراچی مضافاتی اور اندرون سندھ تنظیمی کمیٹی کے زیر اہتمام لال قلعہ گراؤنڈ عزیز آباد میں ایم کیوایم اندرون سندھ زون، سیکٹر ویونٹوں کے ذمہ داران وکارکنان کے جنر ل ورکز اجلاس سے خطاب کیا جس میں اندرون سندھ او رکراچی مضافاتی کمیٹی کے سندھی بولنے والے ذمہ داران وکارکنان نے بڑی تعداد میں شرکت کی اس موقع پر رابطہ کمیٹی کے ارکان بھی موجود تھے ۔ اجلاس میں قرار داد پیش کی گئی جسے حاضرین نے ہاتھ کھڑا کر کے تائید کی اوریک زباں ہوکر منظور کیا، قرار داد رابطہ کمیٹی کے رکن اشفاق منگی نے پیش کی جو مندرجہ ذیل ہے 

*۔۔۔سندھی ہماری دھرتی ماں ہے اور اس پر بسنے والے تمام انسان آپس میں بھائی بھائی ہیں چاہے وہ سندھی ہوں یا مہاجر ہوں ۔

*۔۔۔ سندھ کے اصل دشمن وہ تمام وڈیرے اور جاگیردار ہیں جنہوں نے سندھ دھرتی میں بسنے والے لوگوں کے حقوق اور زمینوں پر نا جائز قبضہ کررکھا ہے ۔

*۔۔۔ آج کا یہ اجلاس متفقہ طو ر پر طے کرتا ہے کہ ہم سندھ کو جاگیر داروں وڈیر وں کے ظلم وستم سے نجات دلانے کے لئے کسی قسم کی قربانی سے دریع نہیں کریں گے ۔

*۔۔۔آخرمیں تمام سندھی بولنے والے کارکنوں کا یہ اجلاس یہ بھی طے کرتا ہے کہ محترم بانی وقائد تحریک جناب الطاف حسین بھائی سندھ دھرتی کے قابل فخر سپوت اور سندھ کے متفقہ قائد ہیں ۔