عائشہ منزل کے نزدیک امام بارگاہ پر دستی بم حملہ میں زخمی ہونے والی معصوم بچی بتول زہرہ کی شہادت پر جناب الطاف حسین کا اظہار افسوس
لندن۔۔۔28، اکتوبر2014ء
متحدہ قومی موومنٹ کے قائد جناب الطاف حسین نے عائشہ منزل کے نزدیک امام بارگاہ پر دستی بم حملہ میں زخمی ہونے والی معصوم بچی بتول زہرہ کی شہادت پر گہرے دکھ اور افسوس کااظہار کیا ہے۔ ایک تعزیتی بیان میں انہوں نے معصوم بچی بتول زہرہ شہید کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ بتول زہرہ شہید کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)