عائشہ منزل کے قریب امام بارگاہ پرخواتین کی مجلس پردستی بم حملے کی اطلاع ملتے ہی خدمت خلق فاؤنڈیشن کی ایمبولینسزجائے وقوعہ پرپہنچ گئی

کراچی: ۔۔۔28، اکتوبر2014ء

کراچی کے علاقے عائشہ منزل کے قریب امام بارگاہ پرخواتین کی مجلس پردستی بم حملے کی اطلاع ملتے ہی خدمت خلق فاؤنڈیشن کی ایمبولینسیں جائے وقوعہ پرپہنچ گئی اورکے کے ایف کے رضاکاروں نے ایمبولینسوں میں زخمیوں کوفوری طبّی امدادکے لئے اسپتال پہنچایا۔افسوسناک واقعے کی ایم کیوایم کی رابطہ کمیٹی کے ارکان حید ر عباس رضوی ، عامر خان ، ڈاکٹر صغیر احمد ، شاکر علی ،حق پرست رکن سندھ اسمبلی محترمہ بلقیس مختار اورایم کیوایم ذمہ داران بھی جائے وقوعہ پہنچ گئے جنہوں نے موقع پرموجودامام بارگاہ کی انتظامیہ اورعزازاداران سے واقعے کی تفصیلات معلوم کیں۔علاوہ ازیں متحدہ قومی موومنٹ کی رابطہ کمیٹی کے ارکان اورحق پرست عوامی نمائندوں نے ایم کیوایم کے ذمہ داران کے ہمراہ مقامی اسپتال میں زخمیوں کی عیادت کی اوران کی جلدومکمل صحت یابی کے لئے دعاکی۔رابطہ کمیٹی کے اراکین دستی بم حملے میں شہید ہونے والی بچی بتول کے سوگوار لواحقین سے ملے اور ان سے قائد تحریک جناب الطاف حسین کی جانب سے دلی تعزیت وہمدردی کااظہار کیا ۔