شاتم رسول خورشید شاہ نے اس لفظ مہاجر کو گالی کہہ کر پوری امت مسلمہ کی توہین کی ہے۔فضیل اسلم رانا

کراچی۔۔۔۔۔27اکتوبر2014

متحدہ قومی موومنٹ پنجابی سرائیکی آرگنائزنگ کمیٹی کے زیر اہتمام ایک ہنگامی میتنگ کا انعقاد کیا گیاجس میں پیپلز پارٹی کے رہنما خورشید شاہ کی جانب سے لفظ مہاجر کو گالی قرار دینے کی شدید الفاظ میں مذمت کی گئی ، میٹنگ کے شرکاء سے گفتگو کرتے ہوئے شعبے کے انچارج فضیل اسلم رانا نے کہا کہ مہاجر سے مراد صرف اردو بولنے والے افرادہی نہیں ہیں بلکہ ملک بھر میں دوسری زبانیں بولنے والے مہاجر موجود ہیں ، انہوں نے کہا کہ سب سے بڑھ کریہ کہ لفظ مہاجرنہ صرف ہمارے پیارے نبی ﷺسے منسوب ہے بلکہ اس مبارک لفظ کا ذکر بارہا قرآن پاک میں بھی آیا ہے اورشاتم رسول خورشید شاہ نے اس لفظ مہاجر کو گالی کہہ کر پوری امت مسلمہ کی توہین کی ہے اور کسی بھی شکل میں کسی بھی جانب سے اس لفظ کی توہین براداشت نہیں کی جائے گی۔ اس موقع پر رکن سندھ اسمبلی عظیم فاروقی نے کہاجناب الطاف حسین نے ہمیشہ مذہب و فرقہ ،رنگ، نسل اور زبان و قومیت انسانی خدمت کونہ صرف ترجیح دی ہے بلکہ اس کا عملی نمونہ بھی پیش کیا ہے یہی وجہ ہے کہ آج جب حکمراں جماعت کے ایک رہنما کی جانب سے لفط مہاجر کو گالی قرار دینے کی کوشش کی گئی تو مہاجروں سمیت تما م قومیتیں سراپا احتجاج ہیں ۔انہوں نے کہا کہ مہاجر حرمت اورعزت والا لفظ ہے اورجن ناعاقبت اندیش لوگوں نے مہاجر نام کو تحضیک کے طور پر استعمال کیا وہ توہین رسولﷺ، توہین صحابہ اور توہین اہل بیت کے مرتکب ہوئے ہیں وہ اللہ تعالی کے حضور اورملک بھرمیں بسنے والے مہاجروں سے معافی مانگیں۔