لندن میں کشمیر ریلی میں بلاو ل زرداری کے ساتھ بعض عناصر کے نازیبا سلوک کاواقعہ افسوسناک ہے۔ سینیٹر بابر غوری
پاکستانی خواہ دنیا کے کسی بھی خطہ میں ہوں انہیں اپنے جذبات قابو میں رکھتے ہوئے مخالفین کو برداشت کرنے کی عادت ڈالنی چاہئے ۔بابرغوری
اس افسوسناک واقعہ پر پیپلزپارٹی کے رہنماؤں کے غم اور دکھ میں برابر کے شریک ہیں ۔بابرغوری
سندھ میں انتظامی یونٹس یعنی نئے صوبوں کے قیام کے سلسلے میں محاذ آرائی کے بجائے افہام وتفہیم کے ذریعے میز پر مسئلے کو حل کرلیا جائے تو یہ سندھ او رسندھ کے عوام کے مفاد میں ہوگا ۔بابرغوری
حیدرآبادمیں تحریک انصاف کے دفترپر بعض عناصر کے حملے کا واقعہ قابل مذمت ہے، بابرغوری
لندن۔۔26 اکتوبر2014ء
متحدہ قومی موومنٹ کے سینیٹر بابرخان غوری نے لندن میں ہونے والی کشمیر ریلی میں بلاو ل زرداری کے ساتھ بعض عناصرکی جانب سے کئے جانیوالے نازیبا سلوک پرسخت افسوس کیاہے۔اپنے ایک بیان میں انہوں نے کہاکہ آج بلاول زرداری کے ساتھ بعض عناصرنے جوسلوک کیا ہے مجھے اس واقعہ کا بہت دکھ ہوا ہے۔انہوں نے پاکستانیوں کو مخاطب کرتے ہوئے کہا کہ خواہ وہ دنیا کے کسی بھی خطہ میں ہوں انہیں اپنے جذبات قابو میں رکھتے ہوئے مخالفین کو برداشت کرنے کی عادت ڈالنی چاہئے ۔ انہوں نے پیپلزپارٹی کے رہنماؤں سے بھی اس افسوسناک واقعہ پر دلی ہمدردی کا اظہار کر تے ہوئے کہا کہ ہم سب آپ کے غم اور دکھ میں برابر کے شریک ہیں ۔ بابر غوری نے پیپلز پارٹی کی اعلیٰ قیادت سے بھی اپیل کی کہ سندھ میں انتظامی یونٹس یعنی نئے صوبوں کے قیام کے سلسلے میں محاذ آرائی کے بجائے افہام وتفہیم کے ذریعے میز پر بیٹھ کر اس مسئلے کو حل کرلیا جائے تو یہ سندھ او رسندھ کے عوام کے مفاد میں ہوگا ۔بابرغوری نے حیدرآبادمیں تحریک انصاف کے دفترپربھی بعض عناصر کے حملے کے واقعہ کی مذمت کی ہے۔