ایم کیوایم مظلوم کشمیری عوام کے حق خودارادیت کی بھرپور اور مکمل حمایت کرتی ہے۔طاہرکھوکھر

لندن۔۔۔26 اکتوبر2014ء

آزادکشمیرقانون سازاسمبلی میں متحدہ قومی موومنٹ کے پارلیمانی لیڈرطاہرکھوکھر نے کہاہے کہ ایم کیوایم مظلوم کشمیری عوام کے حق خودارادیت کی بھرپور اور مکمل حمایت کرتی ہے اوروہ حقوق کی جدوجہدمیں مظلوم کشمیری عوام کے ساتھ ہے۔ انہوں نے یہ بات آج لندن میں کشمیری عوام کے حق خودارادیت کی حمایت میں منعقدکئے جانے والے مارچ سے خطاب کرتے ہوئے کہی۔ طاہرکھوکھرسابق وزیراعظم آزادکشمیربیرسٹرسلطان محمودچوہدری کی دعوت پرایم کیو ایم کے ایک بڑے وفدکے ہمراہ مارچ میں شریک ہوئے تھے۔ طاہرکھوکھرنے اپنے خطاب میں کشمیری عوام کوایم کیوایم اورقائدتحریک الطاف حسین کی جانب سے مکمل حمایت کایقین دلایااورکہاکہ مسئلہ کشمیرکے بارے میں ایم کیوایم کامؤقف بالکل واضح ہے اوروہ سمجھتی ہے کہ کشمیری عوام کواپنے مستقبل کا فیصلہ کرنے کامکمل حق اوراختیارملناچاہیے۔ طاہرکھوکھرنے کہاکہ بھارت مظلوم کشمیری عوام پر مظالم بندکرے اورانہیں ان کے حقوق دے۔