متحدہ قومی موومنٹ کے زیراہتمام علماء کرام کا اجتماع اپنی نوعیت کاانوکھا اجتماع ہے جس میں سنی ،شیعہ،بریلوی،دیوبندی اوراہلحدیث سمیت تمام مکاتب فکرکے علماء کرام ایک چھت کے نیچے جمع،ایک جگہ باجماعت نمازکی ادائیگی
کراچی:۔۔۔
محرم الحرام میں مذہبی رواداری وفرقہ وارانہ ہم آہنگی برقراررکھنے کے لئے متحدہ قومی موومنٹ کے زیراہتمام مختلف مکاتب فکرکے علمائے کرام،مشائخ عظام اورمذہبی اسکالرز کااجتماع اس لحاظ سے بھی اپنی نوعیت کاانوکھااجتماع تھاکہ جہاں چاروں امام حنفی،شافعی،مالکی اورحنبلی کے ماننے والے سنی، شیعہ،بریلوی،دیوبندی اوراہلحدیث سمیت تمام مکاتب فکرسے تعلق رکھنے والے ایک چھت کے نیچے موجودتھے ۔اجتماع میں نمازکے لئے خصوصی جگہ مختص کی گئی تھی جہاں اجتماع میں شریک تمام مکاتب فکرسے تعلق رکھنے والے علمائے کرام ،مشائخ عظام،منتظمین اوراسکالرزنے اپنے اپنے وفود کے ہمراہ نمازِ مغرب باجماعت اداکی۔اجتماع میں شریک علماء کرام بھی اس بات کی تائیدکی کہ آج کایہ اجتماع ایک ایسا گلدستہ ہے جس میں تمام مکتبہ فکر سے تعلق رکھنے والے افراد موجود ہیں۔