ایم کیو ایم کے وفد کی صوفی بزرگ حضرت عبداللہ شاہ غازی کے 1284ویں عرس کے موقع پر درگاہ پر حاضری
متحدہ قومی موومنٹ کے قائد جناب الطاف حسین کی جانب سے چادر چڑھائے اور فاتحہ خوانی بھی کی
وفد میں ایم کیو ایم رابطہ کمیٹی کے ڈپٹی کنوینر ڈاکٹر خالد مقبول صدیقی ، ارکان رابطہ کمیٹی ، معاون رابطہ کمیٹی و دیگر بھی کی شرکت
کراچی:۔۔17؍ اکتوبر 2014ء
صوفی بزرگ حضرت سید عبداللہ شاہ غازی ؒ کے 1284ویں عرس کے موقع پر ایم کیو ایم رابطہ کمیٹی کے ڈپٹی کنوینر ڈاکٹر خالد مقبول صدیقی نے جمعہ کے روز مزار پر حاضری دی اور متحدہ قومی موومنٹ کے قائد جناب الطاف حسین کی جانب سے چادر چڑھائے اور فاتحہ خوانی کی۔ وفد میں ڈاکٹر خالد مقبول صدیقی ، کے ہمراہ رکن رابطہ کمیٹی اورصوبائی معاون خصوصی عبدالحسیب ، رکن رابطہ کمیٹی محمد عارف خان ایڈوکیٹ اور معاون رابطہ کمیٹی غازی صلاح الدین بھی موجود تھے ۔ایم کیو ایم کا وفد مزار پر پہنچا تو مزار انتظامیہ نے وفد کو خوش آمدید کہاایم کیو ایم کے قائد جناب الطاف حسین کی جانب سے کیلئے اپنی نیک خواہشات کا اظہار کیا اور عرس کے موقع پر زائرین کیلئے گورنر سندھ اور صوبائی حکومت کی جانب سے کئے جانے والے انتظامات پر اطمینان کا اظہار بھی کیا۔