ایم کیوایم حیدرآباد زون سیکٹرڈی کے کارکن سیدمجتبیٰ حسن کی المناک شہادت پرایم کیوایم کے قائدالطا ف حسین کااظہارمذمت
سیدمجتبیٰ حسن شہیدکے سوگوارلواحقین سے اظہارتعزیت،شہیدکی مغفرت اورزخمی بچوں کی جلدومکمل صحت کے لئے دعا
لندن:۔۔15؍ اکتوبر 2014ء
متحدہ قومی موومنٹ کے قائدجناب الطاف حسین نے ایم کیوایم حیدرآباد زون سیکٹرڈی کے کارکن سیدمجتبیٰ حسن کے المناک شہادت کی سخت ترین الفاظ میں مذمت کی ہے اورواقعے میں سید مجتبیٰ حسن کے بچوں کے زخمی ہونے پرگہری تشویش کااظہارکرتے ہوئے سندھ حکومت سے مطالبہ کیاہے کہ سیدمجتبیٰ حسن کوفائرنگ کرکے شہید اوران کے بچوں کوزخمی کرنے والے سفاک دہشت گردوں کوگرفتارکرکے عبرتناک سزادی جائے۔ایک بیان میں جناب الطاف حسین مجتبیٰ حسن شہیدکے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبرکی تلقین کی اورکہاہے کہ دکھ اورافسوس کی اس گھڑی میں مجھ سمیت ایم کیوایم کاتمام کارکن آپ کے غم میں برابر کا شریک ہیں۔جناب الطاف حسین نے دعاکی کہ اللہ تعالیٰ سیدمجتبیٰ حسن شہیدکواپنی جواررحمت میں اعلیٰ مقام عطافرمائے اورسوگوارلواحقین کویہ صدمہ برداشت کرنے کاحوصلہ عطاکرے۔ (آمین)جناب الطاف حسین نے فائرنگ کے واقعے میں زخمی ہونے والے معصوم بچوں کی جلدومکمل صحت یابی کے لئے بھی نیک خواہشات کااظہارکیا۔