حق پرست رکن سندھ اسمبلی عبد اللہ شیخ نے ایم کیوایم کے ایم او سی کے انچارج فرخ اعظم کے ہمراہ گلشن معمار میں واقع درویش بابا قلندری کے سالانہ عرس کا مزار پر قائد تحریک جناب الطاف حسین کی جانب سے چادر چڑھا کر افتتاح کیا
کراچی ۔۔۔14، اکتوبر2014ء
حق پرست رکن سندھ اسمبلی عبد اللہ شیخ نے ایم کیوایم کراچی مضافاتی آرگنائزنگ کمیٹی کے انچارج فرخ اعظم کے ہمراہ گلشن معمار کے ٹھارو مینگل بروہی گوٹھ میں واقع عبد الکریم شاہ المعروف درویش بابا قلندری کے سالانہ عرس کا مزار پر قائد تحریک جناب الطاف حسین کی جانب سے چادر چڑھا کر افتتاح کیا۔اس موقع پر ایم کیوایم کراچی مضافاتی آرگنائزنگ کمیٹی کے جوائنٹ انچارج اسلم بلوچ ، سید احمد رضا ، اراکین منظور احمدجوکھیو ، عبد القادر بلوچ اور سید معین الدین کے علاوہ درویش بابا قلندری کے مریدین اور زائرین کی بڑی تعداد موجود تھی ۔عبد اللہ شیخ اورانچارج و اراکین کے ایم او سی درویش بابا قلندری کے عرس کے موقع پر مزار شریف پر فاتحہ خوانی کی اور ملک باالخصوص کراچی میں امن و امان ، دہشت گردی اور آئی ڈی پیز کی مشکلات کے خاتمے ، آپریشن ضرب عضب کی کامیابی اور قائدتحریک جناب الطاف حسین کی درازی عمر ، صحت وتندرستی کیلئے دعا بھی کی بعدازاں وہ عرس کے موقع پر ہونے والی دیگر تقریبات میں شامل ہوئے۔ اس موقع پر مزار کے متولی لالہ بروہی نے عبد اللہ شیخ اور انچارج و اراکین کے ایم او سی سے دلی تشکر کااظہار کیا اور ان کی توجہ ٹھارومینگل بروہی گوٹھ کے مکینوں کے مسائل کی جانب دلائی جس پر عبد اللہ شیخ نے گوٹھ اور اس کے مکینوں کے مسائل ترجیحی بنیادوں پرحل کرانے کی یقین دہانی کرائی ۔