نارتھ ناظم آباد میں پولیس کی فائرنگ سے نوجوان اسد کی ہلاکت کا واقعہ قابل مذمت ہے۔ رابطہ کمیٹی متحدہ قومی موومنٹ

کراچی۔۔۔ 13 اکتوبر2014ء

متحدہ قومی موومنٹ کی رابطہ کمیٹی نے نارتھ ناظم آبادمیں پولیس کی فائرنگ سے ایک نوجوان اسدکی ہلاکت کے واقعہ کی شدیدمذمت کی ہے اوراس مذموم واقعہ کے ذمہ دارپولیس اہلکاروں کے خلاف فوری کارروائی کامطالبہ کیاہے ۔اپنے ایک بیان میں رابطہ کمیٹی نے کہاکہ یہ امرانتہائی افسوسناک ہے کہ کراچی کے شہریوں کوکھلے عام دہشت گردی کانشانہ بنانے والے عناصر توشہرمیں دندنانے پھررہے ہیں لیکن پولیس ان عناصر کے خلاف کارروائی کے بجائے اپناسارا ذور معصوم نہتے شہریوں کے خلاف استعمال کررہی ہے۔آج کاواقعہ بھی پولیس کی کھلی بربریت اورزیادتی کاتسلسل ہے جس کی جتنی بھی مذمت کی جائے کم ہے ۔ رابطہ کمیٹی نے گورنرسندھ ڈاکٹرعشرت العباد، وزیر اعلیٰ سندھ سیدقائم علی شاہ اورآئی جی سندھ سے مطالبہ کیاکہ اس واقعہ کے ذمہ دارپولیس اہلکاروں کے خلاف کارروائی کی جائے ۔ رابطہ کمیٹی نے پولیس فائرنگ سے جاں بحق ہونے والے نوجوان اسد کے لواحقین سے دلی تعزیت کااظہارکیا اور کہا کہ ایم کیوایم کاایک ایک کارکن ان کے غم میں برابرکاشریک ہے ۔