ایم کیوایم صوبہ خیبرپختون خواہ اورفاٹاکے نومنتخب صدربیرسٹرمحمدعلی سیف کی جماعت اسلامی خیبرپختون خوا ہ کےامیرپروفیسرابراہیم سے ملاقات

پشاور:۔۔۔13، اکتوبر2014ء 

متحدہ قومی موومنٹ صوبہ خیبرپختونخوا ہ اورفاٹاکے نومنتخب صدر بیرسٹرمحمدعلی سیف نے جماعت اسلامی خیبرپختونخواہ کے امیر پروفیسر ابراہیم اوردیگرذمہ داران سے پشاورمیں ملاقات کی اورانہیں قائدتحریک الطاف حسین کی جانب سے خیرسگالی کاپیغام پہنچایا۔پیرکے روزجماعت اسلامی کے صوبائی دفترمیں ہونیوا لی ملاقات انتہائی خوشگوار ماحول میں ہوئی جس میں جماعت اسلامی کے صوبائی جنرل سیکریٹری شبیراحمدخان،صوبائی سیکرٹری اطلاعات اسراراللہ ایڈووکیٹ بھی موجودتھے۔اس موقع پرجماعت اسلامی کے رہنماؤں نے ایم کیو ایم کی جانب سے بیرسٹرمحمدعلی سیف کوصوبہ خیبرپختونخواہ اورفاٹاکاصدربنائے جانے پرانہیں مبارکبادپیش کی اورصوبہ خیبرپختونخوا ہ کی ترقی وخوشحالی اورعوام کی فلاح بہبودکے لئے مل جل کرکام کرنے پرباہمی اتفاق کااظہارکیا۔