پی ٹی آئی کے جلسے میں بھگڈر مچنے کے نتیجے میں متعددافراد کے ہلاک وزخمی ہونے کے واقعے پرایم کیوایم کے قائدجناب الطاف حسین کا اظہار افسوس

لندن ۔۔۔ 10اکتوبر2014ء

متحد ہ قومی موومنٹ کے قائد الطاف حسین نے ملتان میں پاکستان تحریک انصاف کے جلسے کے اختتام کے بعد حسین آگاہی چوک کے قریب اچانک بھگڈر مچنے کے واقعے کے نتیجے میں کچل کردم گھوٹنے سے8افراد کے ہلاک اورخواتین اورمعصوم بچوں سمیت متعدد کے افرادکے زخمی ہونے پر گہرے دکھ اور افسوس کا اظہار کیا ہے ۔ایک تعزیتی بیان میں جناب الطا ف حسین نے تحریک انصاف کے سربراہ عمران خان نیازی اورپی ٹی آئی کی پوری قیادت وایک ایک کارکن سمیت مرحومین کے سوگواراہل خانہ سے دلی ہمدردی کا اظہار کرتے ہوئے کہاکہ دکھ اورافسوس کی اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔ انہوں نے دعاکی کہ اللہ تعالیٰ ناگہانی اموات کا شکار ہونے والے تمام افرادکی مغفرت فرمائے ،ان کے درجات بلند کرے اور انہیں اپنے جوار رحمت میں اعلیٰ مقام عطا کرے۔جناب الطاف حسین نے زخمیوں کو جلد و مکمل صحتیابی کے لئے بھی نیک خواہشات کااظہارکیا۔