پنجاب کی تحصیل راجن پور میں دو بسوں کے ہولناک تصادم کے نتیجے میں متعدد افراد کے ہلاک اور زخمی ہونے پر جناب الطاف حسین کااظہار افسوس
لندن۔۔۔10، اکتوبر2014ء
متحدہ قومی موومنٹ کے قائد جناب الطاف حسین نے پنجاب کی تحصیل راجن پور میں دو بسوں کے درمیان ہولناک تصادم کے نتیجے میں متعدد افراد کی ہلاکت اور زخمی ہونے پر گہرے دکھ او رافسوس کااظہا رکیا ہے ۔ ایک بیان میں انہوں نے حادثہ میں ہلاک ہونے والے افراد کے سوگوار لواحقین سے دلی تعزیت وہمدردی کااظہا رکرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ ہلاک شدگان کو جنت الفردوس میں اعلیٰ مقام عطا فرمائے ، سوگواران کو صبرجمیل عطاکرے اور زخمی افراد کو جلد و مکمل صحت یابی عطا فرمائے ۔