پاکستان کی ممتازادیبہ ،ڈرامہ نگاراوردانشوراورپاکستان کی ممتازشخصیت محترمہ فاطمہ ثریابجیا کی علالت پر
ایم کیوایم کے قائدالطاف حسین کااظہارتشویش
دعاہے اللہ تعالیٰ محترمہ فاطمہ ثریابجیا کوصحت وتندرستی عطاکرے اوران کی عمردرازکرے۔ الطاف حسین
محترمہ فاطمہ ثریابجیا پاکستان کی تہذیب وثقافت ،ادب اورفنون لطیفہ کاایک سرمایہ ہیں ۔الطاف حسین
عوام محترمہ فاطمہ ثریابجیاکی صحتیابی کیلئے دعاکریں۔الطاف حسین کی اپیل
لندن۔۔۔ 9 اکتوبر2014ء
متحدہ قومی موومنٹ کے قائدجناب الطاف حسین نے پاکستان کی ممتازادیبہ ،ڈرامہ نگاراوردانشوراورپاکستان کی ممتازشخصیت محترمہ فاطمہ ثریابجیا کی علالت پر سخت تشویش کااظہارکیاہے اوردعاکی ہے کہ اللہ تعالیٰ محترمہ فاطمہ ثریابجیا کوصحت وتندرستی عطاکرے اوران کی عمردرازکرے۔اپنے بیان میں جناب الطاف حسین نے کہاکہ محترمہ فاطمہ ثریابجیا پاکستان کی تہذیب وثقافت ،ادب اورفنون لطیفہ کاایک سرمایہ ہیں اوران کی علالت پر ان کے تمام چاہنے والوں میں بے چینی پائی جاتی ہے ۔ انہوں نے عوام سے بھی اپیل کی کہ وہ محترمہ فاطمہ ثریابجیاکی صحتیابی کیلئے دعاکریں۔