گزشتہ کئی سالوں سے غیرفعال حیدرآباد کے ایم کیوایم کے سینئر رہنما سابق منتخب نمائندے اور سینئرذمہ داران دوبارہ سرگرم ہوگئے ہیں

حیدرآباد۔۔۔ 9 اکتوبر2014ء

حیدرآباسے تعلق رکھنے والے ایم کیوایم کے سینئررہنما، سابق منتخب نمائندے اورسینئرذمہ داران جوگزشتہ کئی سالوں سے اپنے مسائل یاکسی بھی وجہ سے ایم کیوایم میں غیرفعال ہوگئے تھے وہ ایم کیوایم میں دوبارہ سرگرم ہوگئے ہیں۔ ان میں سابق میئر حیدرآباد آفتاب شیخ، سابق ڈپٹی میئر رشید بھیا، سابق زونل کمیٹی ممبر سہیل مشہدی، رفیق اجمیری، اصغرکامریڈ اور دیگر سینئر ذمہ داران وکارکنان شامل ہیں۔ ان میں سہیل مشہدی اوررفیق اجمیری کو ایم کیوایم حیدرآباد کی زونل کمیٹی میں دوبارہ شامل کرلیاگیاجبکہ دیگرافرادبھی مختلف شعبوں میں سرگرم ہیں۔ آفتاب شیخ، رشیدبھیااوردیگرذمہ داران نے جناب الطاف حسین سے گزشتہ روزفون پر گفتگوکرتے ہوئے اپنے اس عزم کا اظہار کیا کہ وہ دوبارہ سے تحریک کیلئے بھرپوروقت دیں گے اوراپنی خدمات انجام دیں گے۔