8 اکتوبر2005ء کوآنیوالاقیامت خیززلزلہ قومی تاریخ کا ایسا المناک سانحہ ہے جسے فراموش نہیں کیا جاسکتا ۔ الطاف حسین

لندن۔۔۔۔8، اکتوبر2014ء 

متحدہ قومی موومنٹ کے قائد جناب الطاف حسین نے8اکتوبر2005ء کوآزادکشمیر، خیبرپختونخوا اوراسلام آبادمیں آنے والے قیامت خیززلزلے کے سانحہ کی نویں برسی کے موقع پر اپنے بیان میں تمام شہداء کوخراج عقیدت پیش کیاہے۔اپنے ایک بیان میں انہوں نے کہا کہ 8اکتوبر قومی تاریخ کیلئے ایک المناک دن کی حیثیت رکھتاہے جس روزآ نے والے قیامت خیززلزلہ میں ایک لاکھ سے زائدافرادجاں بحق ہوئے اورشہرکے شہرصفحہ ہستی سے مٹ گئے، ہزاروں خاندان ختم ہوگئے ،ہزاروں افرادمعذوراورزخمی ہوگئے۔یہ قومی تاریخ کاایک ایسا المناک سانحہ ہے جسے کبھی فراموش نہیں کیا جاسکتا ۔جناب الطا ف حسین نے دعاکی کہ اللہ تعالیٰ اس سانحہ میں جاں بحق ہونے والے تمام افرادکواپنی جواررحمت میں جگہ دے ،ان کے پسماندگان کوصبرجمیل عطاکرے اورتمام انسانوں کوزمینی وآسمانی آفات سے محفوظ رکھے۔