عیدالاضحی کے موقع پر خدمت خلق فاؤنڈیشن کوبھاری تعدادمیں قربانی کی کھالیں دینے پر پاکستان بھر کے عوام سے ایم کیوایم کے قائد الطاف حسین کا دلی تشکرکااظہار
قربانی کی کھالیں جمع کرنے میں مصروف تمام کارکنوں، ماؤں،بہنوں ،بزرگوں کوقائدتحریک الطاف حسین کا فرداً فرداً خراج تحسین
عید کے موقع پر تمام ماؤں بہنوں، بزرگوں اورمعصوم بچوں کیلئے بھی بہت بہت سلام اورنیک تمناؤں کااظہارکرتاہوں۔ الطاف حسین
کراچی میں خدمت خلق فاؤنڈیشن کے مرکزی کیمپ پر کارکنوں سے فون پر گفتگو
لندن۔۔۔ 6 اکتوبر2014ء
متحدہ قومی موومنٹ کے قائدجناب الطاف حسین نے عیدالاضحی کے موقع پر خدمت خلق فاؤنڈیشن کوبھاری تعدادمیں قربانی کی کھالیں دینے پر پاکستان بھر کے عوام سے دلی تشکرکااظہارکیاہے۔پیرکی شب کراچی میں خدمت خلق فاؤنڈیشن کے مرکزی کیمپ پر کارکنوں سے فون پر گفتگوکرتے ہوئے انہوں نے کہا کہ تمام عوام نے عیدالاضحی کے پہلے روزایم کیوایم کے فلاحی ادارے خدمت خلق فاؤنڈیشن پربھرپوراعتمادکااظہارکرتے ہوئے اسے بھاری تعدادمیں قربانی کی کھالیں دی ہیں اس پر میں کراچی سمیت پورے سندھ ، پنجاب،بلوچستان ، خیبرپختونخوا، گلگت بلتستان اورآزادکشمیرکے عوام کادل کی گہرائیوں سے شکریہ ادا کرتاہوں۔ انہوں نے قربانی کی کھالیں جمع کرنے میں مصروف تمام کارکنوں، ماؤں،بہنوں ،بزرگوں کوفرداًفرداً خراج تحسین پیش کیا۔ انہوں نے عید کے موقع پر تمام ماؤں بہنوں، بزرگوں اورمعصوم بچوں کیلئے بھی بہت بہت سلام اورنیک تمناؤں کااظہارکیا ۔