ایم کیوا یم رابطہ کمیٹی کے ڈپٹی کنوینرز ڈاکٹر خالد مقبول صدیقی، ڈاکٹر نصرت شوکت ارکان رابطہ کمیٹی او ر دیگر نےعزیز آباد کے جناح گراؤنڈ میں نماز عید ادا کی

کراچی ۔۔۔6اکتوبر 2014ء

متحد ہ قومی موومنٹ کی رابطہ کمیٹی کے ڈپٹی کنوینرز ڈاکٹر خالد مقبول صدیقی ، ڈاکٹر نصرت شوکت ، اراکین رابطہ کمیٹی، حق پرست ارکان قومی و صوبائی اسمبلی ، ایم کیوایم کے مختلف شعبہ جات کے ذمہ داران اور اہل علاقہ کی بڑی تعداد کے ہمراہ ایم کیوایم کے مرکز نائن زیرو سے متصل جناح گراؤنڈ میں نماز عید ادا کی ۔نماز کے موقع پر جناب الطاف حسین کی صحت ،تندرستی ، درازئ عمر ، تحریک کی کامیابی ، حق پرست شہداء کے درجات کی بلندی سمیت پاکستان کی بقاء و سلامتی ، ملکی استحکام ، سیلاب متاثرین، آپریشن ضرب عضب کے دوران اپنا گھر بار چھوڑ کر نکل مکانی کرنے والے آئی ڈی پیز کی بہتری ، ضرب عضب میں شہید ہونیوالے فوجی جوانوں کے لئے خصوصی دعائیں کی گئیں ۔نماز کی ادائیگی کے بعد ایم کیو ایم رابطہ کمیٹی کے ارکان و دیگر ذمہ داران اور معززین علاقہ نے ایک دوسرے کو عید کی مبارک باد پیش کی ۔