جناب الطاف حسین کی پاکستان سمیت دنیا بھر میں مقیم ایم کیو ایم کے کارکنان اور ہم وطنوں کو عید الاضحی کی مبارک باد

لندن ۔۔۔۔6اکتوبر 2014ء

متحد ہ قومی موومنٹ کے قائد الطاف حسین نے پاکستان سمیت دنیا بھر میں مقیم ایم کیو ایم کے کارکنان اور ہم وطنوں کو عید الاضحی کی دلی مبارک باد پیش کی ہے اور دعا کی کہ اللہ تعالیٰ پاکستان کو موجودہ خطرات او ر مسائل کے بھنور سے باخیر و آفیت نکالے اور ملک کو ترقی کی راہ پر گامزن کرے۔جناب الطاف حسین نے عید الاضحی کے پہلے روز نماز عیدکے بعد انکی رہائشگاہ المعروف نائن زیرو پرنماز عید کے بعد جمع ہونے والے ایم کیو ایم رابطہ کمیٹی کے ڈپٹی کنوینر ز ڈاکٹر خالد مقبول صدیقی ، ڈاکٹر نصرت شوکت ،ارکان رابطہ کمیٹی، حق پرست ارکان اسمبلی ، شعبہ جات کے ذمہ داران اور کارکنان سے گفتگو کرتے ہوئے انہیں ہدایت کی کہ وہ عید الاضحی کے موقع پر اپنے اہل خانہ کے ساتھ ساتھ حق پرست شہداء ، لاپتہ اور اسیر کارکنان کے اہل خانہ کو بھی یاد رکھیں اور انہیں اپنی خوشیوں میں شریک کریں ۔ انہوں نے گفتگو کے دوران موجودشرکاء کی فرداً فرداً خیریت دریافت کی اور پاکستان سمیت ملک بھر میں مقیم ایم کیو ایم کے کارکنان کوعید الاضحی کی مبارکباد پیش کی۔اس موقع پر وہاں موجود ذمہ داران نے بھی جناب الطاف حسین کومبارک بادپیش کی اور ان کیلئے نیک خواہشات کا اظہار کیا ۔