دبئی میں ایم کیوایم کے رہنماؤں یا کارکنوں کے کسی بھی قسم کے اجلاس کی سختی سے تردید کرتے ہیں
اس قسم کی من گھڑت اور خودساختہ خبریں سراسر گمراہ کن ہیں۔ رابطہ کمیٹی متحدہ قومی موومنٹ
جو قلم فروش عناصر ایم کیوایم دشمن قوتوں کی ایماء پر ایم کیوایم کے خلاف اپنے قلم سے زہر اگل رہے ہیں انہوں نے ماضی میں بھی منہ کی کھائی تھی اور اب بھی منہ کی کھائیں گے
ایسے عناصر ہی دراصل عوام کے کھلے دشمن ہیں اور عوام کو ایسے عناصر سے ہوشیار رہنا چاہیے۔ رابطہ کمیٹی
ایم کیوایم کے سچے کارکنان اور حق پرست عوام اپنی صفوں میں اتحاد برقرار رکھیں
اس قسم کے اوچھے ہتھکنڈوں سے نہ ماضی میں ایم کیوایم کو ختم کیا جاسکا اور نہ ہی اب ختم کیا جاسکتا ہے۔ رابطہ کمیٹی
کراچی۔۔۔5 اکتوبر2014ء
متحدہ قومی موومنٹ کی رابطہ کمیٹی نے دبئی میں ایم کیوایم کے رہنماؤں یاکارکنوں کے کسی بھی قسم کے اجلاس کی سختی سے تردیدکی ہے اوراس قسم کی من گھڑت اور خودساختہ خبروں کو سراسرگمراہ کن قراردیاہے ۔ اپنے ایک بیان میں رابطہ کمیٹی نے کہاکہ ایم کیوایم کے کارکنان اچھی طرح جانتے ہیں کہ جب سے تحریک وجود میں آئی ہے اسکے خلاف سازشوں کاسلسلہ جاری ہے ، قلم فروش عناصرنے ماضی میں بھی ایم کیوایم کوکمزورکرنے ،عوام کوگمراہ کرنے اورایم کیوایم کی صفوں میں انتشارپیداکرنے کیلئے طرح طرح کی من گھڑت خبریں شائع کیں اوراپنی زہریلی تحریروں کے ذریعے ایم کیوایم کے کارکنان وعوام کے ذہنوں کو خراب کرنے کی کوششیں کیں لیکن وہ ناکام رہے اورآج بھی جوقلم فروش عناصرایم کیوایم دشمن قوتوں کی ایماء پرایم کیوایم کے خلاف اپنے قلم سے زہراگل رہے ہیں اوراپنی نفرت وتعصب کے جوہردکھارہے ہیں انہوں نے ماضی میں بھی منہ کی کھائی تھی اور اب بھی منہ کی کھائیں گے،ایسے عناصرہی دراصل عوام کے کھلے دشمن ہیں اورعوام کوایسے عناصر سے ہوشیاررہناچاہیے۔ رابطہ کمیٹی نے کہاکہ ایم کیوایم کے سچے کارکنان اورحق پرست عوام اپنی صفوں میں اتحادبرقراررکھیں اوراس بات پر یقین رکھیں کہ اس قسم کے اوچھے ہتھکنڈوں سے نہ ماضی میں ایم کیوایم کوختم کیاجاسکااورنہ ہی اب ختم کیاجاسکتاہے۔