متحدہ قومی موومنٹ کے زیراہتمام سالہائے گذشتہ کی طرح امسال بھی چرم قربانی جمع کرنے کے حوالے سےکارکنان کے اجلاس جمعہ کے شب کراچی سمیت ملک بھر میں منعقد ہوئے
جناب الطاف حسین کا خطاب بیک وقت 40سے زائدمقامات پرسناگیااس سلسلے میں مرکزی اجتماع لال قلعہ گراؤنڈعزیزآبادمیں ہوا
کراچی:۔۔۔()
متحدہ قومی موومنٹ کے زیراہتمام سالہائے گذشتہ کی طرح امسال بھی چرم قربانی جمع کرنے کے حوالے سے کارکنان کے اجلاس، جمعہ کی شب کراچی سمیت ملک بھر میں منعقد ہوئے ،جس سے ایم کیوایم کے قائدجناب الطاف حسین نے ٹیلی فونک خطاب کیا۔جناب الطاف حسین کا خطاب بیک وقت 40سے زائدمقامات پرسناگیااس سلسلے میں مرکزی اجتماع لال قلعہ گراؤنڈعزیزآبادمیں ہواجس میں ایم کیو ایم رابطہ کمیٹی کے ڈپٹی کنوینرز ،اراکین رابطہ کمیٹی، حق پرست اراکین سینیٹ،قو می و صوبائی اسمبلی کے علاوہ ایم کیو ایم کے مختلف ونگز،شعبہ جات اور سیکٹرزویونٹ کمیٹی عہدیداران اورکارکنان نے بڑی تعداد میں شرکت کی،جنرل ورکرزاجلاس میں خواتین کارکنان نے بھی غیرمعمولی تعدادمیں شرکت کی۔لال قلعہ گراؤنڈمیں جنرل ورکرزاجلاس کا انعقاد کیا گیا تھا اس حوالے سے لال قلعہ گراؤنڈمیں بڑاپنڈال سجایا گیا تھا پنڈال میں لگی بڑی اسکرین پر\"جنرل ورکرزاجلاس سے قائدتحریک جناب الطاف حسین کا خصوصی خطاب \" تحریرتھا،پنڈال میں رابطہ کمیٹی اورکارکنان کے لئے حسب معمول فرشی نشستوں کااہتمام کیاگیاتھا۔جنرل ورکرزاجلاس میں شریک کارکنان کاجوش وخروش قابل دیدتھا،کارکنان نے ہاتھوں میں جناب الطاف حسین کی تصاویراورایم کیوایم کے پرچم تھامے ہوئے تھے اوران کی جانب سے وقفے وقفے سے قائدتحریک الطاف حسین اورایم کیوایم کے حق میں نعرے بلندکیے جاتے رہے،خواتین کارکنان نے بھی لطاف حسین اورایم کیوایم کے حق میں پرجوش نعرے لگائے۔جنرل ورکرزاجلاس سے ایم کیوایم کی رابطہ کمیٹی کے ڈپٹی کنوینرڈاکٹرخالدمقبول صدیقی اوردیگراراکین نے خطاب کیا۔ٹھیک7\":10بجے ٹیلی فون پرجناب الطاف حسین کی آمدکااعلان ہوااس موقع پرایم کیوایم ترانہ ساتھی مظلوموں کاساتھی ہے۔۔۔الطاف حسین بجایاگیااس موقع پرپنڈال اورپنڈال کے باہر موجود ہزاروں شرکاء کارکنان نے اپنی نشستوں سے کھڑے ہوکرجناب الطاف حسین کا پرتپاک استقبال کیااورجناب الطاف حسین کے حق میں فلک شگاف نعرے لگائے جس کاسلسلہ کافی دیر تک جاری رہا۔جناب الطاف حسین نے جنرل ورکرز اجلاس کے توسط سے ملک بھرکے عوام سے اپیل کی کہ وہ قربانی کی کھالیں خدمت خلق فاؤنڈیشن کوعطیہ کریں اوردکھی انسانیت کی خدمت میں حصہ لیں۔