مہمند ایجنسی تحصیل پنڈیالی کے علاقے میں شبقدر سے داوے زئی میں مسافر وین کھائی میں گرنے کے المناک حادثہ پر الطاف حسین کااظہار افسوس

لندن۔۔۔3، اکتوبر2014ء 

متحدہ قومی موومنٹ کے قائد جناب الطاف حسین نے مہمند ایجنسی تحصیل پنڈیالی کے علاقے میں شبقدر سے داوے زئی میں مسافر وین کھائی میں گرنے کے المناک حادثہ میں متعدد افراد کے ہلاک اور زخمی ہونے پر گہرے دکھ اور افسوس کااظہا رکیا ہے ۔ ایک بیان میں انہوں نے ہلاک ہونے والے افراد کے تمام سوگوار لواحقین سے دلی تعزیت وہمدردی کااظہار کرتے ہوئے کہا کہ دکھ کی اس گھڑی میں مجھ سمیت ایم کیوایم تمام کارکنان آپ کے غم میں برابر کے شریک ہیں ۔ انہوں نے دعا کی کہ اللہ تعالیٰ ہلاک ہونے والے افراد کو جنت الفردوس میں اعلیٰ مقام عطا فرمائے ،سوگواران کو صبرجمیل عطاکرے اور زخمیوں کو جلد ومکمل صحت یابی عطا فرمائے ۔