حافظ آباد میں مسلح دہشت گردوں کی فائرنگ سے روزنامہ دنیا کے رپورٹر ندیم حیدر کے بہیمانہ قتل پر ایم کیوایم رابطہ کمیٹی کااظہار مذمت

کراچی ۔۔۔3، اکتوبر2014ء 

متحدہ قومی موومنٹ کی رابطہ کمیٹی نے حافظ آباد کی لکی منڈی میں مسلح دہشت گردوں کی فائرنگ سے روزنامہ دنیا کے رپورٹر ندیم حیدر کے بہیمانہ قتل کی سخت ترین الفاظ میں مذمت کی ہے اورسفاکانہ قتل کی اس واردات کو آزادی صحافت پر ایک اورحملہ قرار دیا ہے ۔ ایک بیان میں رابطہ کمیٹی نے کہاکہ حکومت پنجاب سے مطالبہ کیا کہ ندیم حیدر کے بہیمانہ قتل کا سنجیدگی سے نوٹس لیاجائے اور اس میں ملوث سفاک قاتلوں کو فی الفور گرفتار کرکے قرار واقعی سزا دی جائے ۔ رابطہ کمیٹی نے مقتول ندیم حیدر کے تمام سوگوار لواحقین اور روزنامہ دنیا کے عملے سے دلی تعزیت وہمدردی کااظہار کرتے ہوئے دعا کی کہ اللہ تعالیٰ مقتول کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے۔ (آمین)