شاہراہ قراقرم پر گلگت سے حراموش جانے والی مسافر وین پر عالم پل کے قریب ریموٹ کنٹرول دھماکے پر جناب الطاف حسین کا اظہار مذمت

لندن۔۔۔ 02اکتوبر2014

متحدہ قومی مومنٹ کے قائد جناب الطاف حسین نے شاہراہ قراقرم پر گلگت سے حراموش جانے والی مسافر وین پرعالم پل کے قریب ریموٹ کنٹرول ڈیوائس کے ذریعے دھماکے کی سخت الفاظ میں مذمت کی ہے اور اس کے نتیجے میں ایک ہی علاقے کے متعدد افراد کے جاں بحق اور زخمی ہونے پر گہرے رنج وغم اور افسوس کا اظہار کیا ہے ۔ انہوں نے واقعے کودہشت گرد عناصر کی بزدلانہ کاروائی قرار دیا ہے ۔ اپنے ایک مذمتی بیان میں جناب الطاف حسین نے کہا کہ گلگت بلتستان اور اس کے اطراف میں دہشت گرد مسلسل اپنی بزدلانہ کاروائیوں کے ذریعے معصوم افراد کی زندگیوں سے کھیلنے میں مصروف ہیں لیکن گلگت بلتستان انتظامیہ ان واقعات کوروکنے میں ناکام نظر آتی ہے ۔جناب الطاف حسین نے اس واقعے میں شہید ہونے والے افراد کے اہل خانہ سے دلی ہمدردی اور تعزیت کا اظہار کرتے ہوئے دعا کی کہ اللہ تعالی شہید ہونیوالے افراد کو جنت الفردوس میں اعلٰی مقام عطا فرمائے اورسوگوار اہل خانہ کوصبر جمیل عطا فرمائے ،آمین۔