ایم کیوایم کی صوبائی تنظیمی کمیٹی پنجاب کی جانب سے سالانہ مجلہ "سفر" کا اجراء کردیا گیا
مجلہ کا اجراء ایم کیوایم رابطہ کمیٹی کے ڈپٹی کنوینر ڈاکٹر خالد مقبول صدیقی نے خورشید بیگم سیکریٹریٹ عزیزآباد میں رابطہ کمیٹی کے دیگر ارکان کے ہمراہ کیا
کراچی 02اکتو بر 2014
متحدہ قومی موومنٹ کے ڈپٹی کنوینر ڈاکٹر خالد مقبول صدیقی نے ایم کیو ایم کے مختلف شعبہ جات کی جانب سے جاری کئے جانے والے دیگر تحریکی رسائل کی طرح صوبائی تنظیمی کمیٹی پنجاب کی جانب سے شائع کردہ سالانہ مجلہ "سفر" کو ایک اچھا اضافہ قراردیتے ہوئے کہا کہ ایم کیوایم واحد سیاسی جماعت ہے جو کہ علم و ادب کے فروغ کے لئے بھی کوشاں ہے ۔ ان خیالات کا اظہار انہوں نے خورشید بیگم سیکریٹریٹ عزیزآباد میںSTCپنجاب کے مجلہ "سفر" کا اجراء کرتے ہوئے کیا ۔ مجلہ کے اجراء کے موقع پر رابطہ کمیٹی کے اراکین عادل صدیقی ، عارف خان ایڈوکیٹ، صوبائی تنظیمی کمیٹی پنجاب کے انچارج ارشاد ظفیر، جوائنٹ انچارجز سید افتخار علی، سیلم رزاق اور خالد اعوان کے دیگر بھی موجود تھے ۔