پشاور میں کوہاٹ روڈ پر مسافر کوچ میں بارودی مواد کے دھماکہ پر جناب الطاف حسین کا اظہار مذمت

لندن۔۔۔2، اکتوبر2014ء

متحدہ قومی موومنٹ کے قائد جناب الطاف حسین نے پشاور میں کوہاٹ روڈ پر مسافر کوچ میں بارودی مواد کے دھماکہ کی سخت ترین الفاظ میں مذمت کی ہے اور دھماکہ کے نتیجے میں متعدد افراد کے شہید اور زخمی ہونے پر گہرے دکھ اور فسوس کااظہا رکیا ہے ۔ ایک بیان میں انہوں نے کہاکہ دہشت گردوں کی جانب سے کوہاٹ روڈ پر مسافر کوچ کو بارودی مواد سے نشانہ بنانا کھلی دہشت گردی ہے اور اس سے ثابت ہوتا ہے کہ دہشت گرد انسانیت کے کھلے دشمن ہیں۔ انہوں نے کہاکہ پاک فوج کی جانب سے آپریشن ضرب عضب کامیابی سے جاری ہے اور انشاء اللہ تعالیٰ پاک سرزمین سے مسلح دہشت گرد کا نہ صرف صفایا ہوگا بلکہ وہ اپنے عبرتناک انجام کو ضرور پہنچے گے۔ انہوں نے بارودی موادپھٹنے کے نتیجے میں شہید ہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہیدوں کو جنت الفردوس میں اعلیٰ مقام عطا فرمائے ، سوگوارن کو صبرجمیل عطاکرے اور زخمیوں کو جلد و مکمل صحت یابی عطا کرے۔ جناب الطاف حسین نے وفاقی اور صوبائی حکومت خیبر پختونخوا سے مطالبہ کیا کہ کوہاٹ روڈ پر مسافر کوچ میں بارودی مواد کے دھماکہ کا سختی سے نوٹس لیاجائے ، اس میں ملوث دہشت گردوں کو فی الفور گرفتار کرکے قرار واقعی سزا دی جائے اور دہشت گردوں سے عوام کی جان و مال کے تحفظ کیلئے مثبت حکمت عملی اور ٹھوس اقدامات بروئے کار لائے جائیں۔