سانحہ 30 ستمبر 1988ء کے شہداء کی 26 ویں برسی کے موقع پر ایم کیوایم انٹرنیشنل سیکریٹریٹ لندن میں فاتحہ خوانی کی گئی
لندن۔۔۔ 30 ستمبر2014ء
سانحہ 30ستمبر1988ء کے شہداء کی 26ویں برسی کے موقع پر شہداء کے ایصال ثواب کے لئے آج ایم کیوایم انٹرنیشنل سیکریٹریٹ لندن میں فاتحہ خوانی کی گئی۔ فاتحہ خوانی میں ایم کیوایم کی رابطہ کمیٹی، حق پرست ارکان پارلیمنٹ اورانٹرنیشنل سیکریٹریٹ میں تنظیمی خدمات انجام دینے والے ارکان نے شرکت کی ۔ اس موقع پر سانحہ 30ستمبر اوریکم اکتوبر کے شہداء کوخراج عقیدت پیش کیا گیااورسانحہ کے شہداء سمیت تحریکی جدوجہدکے تمام شہداکی ارواح کے ایصال ثواب کیلئے فاتحہ خوانی کی گئی اورتحریک کی کامیابی، قائدتحریک جناب الطاف حسین کی درازی عمرکے لئے دعا کی گئی۔